Не опоздай с добром

«Ақниет Қоры» жеке қайырымдылық қоры (бұдан әрі – Қор) 2013 жылдың 24 маусымында әлеуметтік, сауықтыру, мәдени, білім беру және өзге де қоғамдық-пайдалы мақсаттарға қол жеткізу үшін Астана қаласында құрылды.

Қор мұқтаж адамдарға, оның ішінде мүгедек балаларға және ата-анасының қамқорлығынсыз қалған балаларға өтеусіз көмек көрсетеді.

Қайырымдылық Қоры бағыты адамгершілік пен патриотизмді, салауатты өмір салтын насихаттауға, сондай-ақ жастарды тәрбиелеуге ықпал етеді.

Қордың миссиясы:

-  Әлеуметтік сипаттағы іс-шараларды, оның ішінде азаматтардың денсаулығын қорғау мен нығайтуды, мәдени, білім беру және  басқа да қоғамдық пайдалы мақсаттарды жүзеге асыру.

- Азаматтардың денсаулығын қорғау мен нығайтуды, салауатты өмір салтын насихаттау мен ынталандыруды қолдау.

Біздің жеке қайырымдылық қордың басым бағыты - мұқтаж адамдарға жәрдемкөрсету,  қолдау болып табылады,сондай-ақ көпбалалы және аз қамтылған отбасыларға, мүгедектерге және халықтың басқа да әлеуметтік қорғалмаған топтарына, сондай - ақ дарынды балалар мен жастарды қолдауға ерекше көңіл бөледі.

Біздің қайырымдылық қорымыздың қызметі ашық, Қайырымдылық жасаушының өтініші бойынша біз алынған қаражат үшін есеп беруге дайынбыз.

Қор қызметінің мәні:

- Қордың жарғылық мақсаттарына қол жеткізуге бағытталған жобаларды қаржыландыру мен дамыту үшін материалдық және материалдық емес ресурстарды тарту;

- ерікті қайырымдылық және демеушілік көмек түрінде берілетін қаржы қаражатын және өзге де мүлікті жинақтау, сондай-ақ оны одан әрі пайдалану (инвестициялау, салымдар, депозиттер, бағалы қағаздар, кепіл және т. б.);

- әлеуметтік сипаттағы іс-шараларды, оның ішінде азаматтардың денсаулығын қорғау мен нығайтуды, салауатты өмір салтын насихаттау мен ынталандыруды, өмір сапасын жақсарту және халық арасында дене белсенділігін ілгерілету бойынша қызмет көрсетуді жүзеге асыру;

- азаматтар денсаулығын алдын алу мен қорғау, дене шынықтыру, спорт пен халықтың рухани қайта дамуы, сондай-ақ салауатты өмір салтын насихаттау мен оған  ықпал ету салаларындағы бағдарламалар мен іс-шараларды қолдау және іске асыру;

- ақпараттық және мәдени-ағартушылық қызмет, лекцияларды, сөз сөйлеулерді, семинарларды, конференцияларды, шеберлік сыныптарын, көрмелерді, концерттерді, байқауларды және Қордың жарғылық мақсаттарын іске асыруға бағытталған басқа да іс-шараларды ұйымдастыру, сондай-ақ осындай іс-шараларға Қазақстанда және шетелге қатысу;

- материалдық ресурстарды, оның ішінде жылжымайтын мүлік объектілерін басқару және пайдалану, олардың жай-күйін күтіп ұстау және жақсарту, сондай-ақ мүлікпен қолданыстағы заңнамада тыйым салынбаған өзге де іс-шараларды (операцияларды) жүргізу;

- Қордың жарғылық қызметін қаржыландыру үшін отандық және шетелдік инвесторлардың қаражатын тарту;

Қорға қалай жолығуға болады:

Алдымен Қордың мекен-жайына өтініш (өтініш) және баланың ауру тарихы мен өмірі туралы ақпарат жіберу керек (өз проблемаңыз туралы жазыңыз, балаңыз туралы айтып беріңіз, аты-жөнін, жасын, диагнозын көрсетіңіз. Ақпарат түсінікті болуы керек).

Назар аударыңыз! Әр өтініш  жеке қаралады!

Қайырымдылық көмек алу үшін Сізге бір қатар құжат ұсыну керек:

* өтініш білдіретін адамның жеке куәлігі немесе паспорттың көшірмесі;

* баланың туу туралы куәлігінің көшірмесі;

* баланың ауыру туралы көшірмесі;

* емделу, ота жасау, реабилитация өтуге медициналық қорытынды және т.б.;

* мүгедектік туралы анықтама;

* клиникамен келісімшарт, емге есеп, оңалтуға есеп (реквизиттер);

* сайтқа орналастыру үшін (түрлі-түсті, ірі көлемінде)  баланың 1 дана суреті;

* отбасы құрамы  туралы анықтама;

* жұмыс орнынан жалақы жөніндегі анықтама немесе жергілікті әлеуметтік қорғау органдарынан отбасының материалдық жағдайы туралы анықтама;

* мекен-жай  анықтамасы;

* жылжымайтын мүліктің болуы немесе болмауы туралы  анықтама;

* зейнетақы туралы анықтама;

* байланыс телефондары, пошта мекен-жайы (индексі)

Қайырымдылық көмек көрсету туралы оң шешім қабылданған жағдайда өтініш беруші қормен шартқа немесе міндеттемеге қол қояды. ҚР «Қайырымдылық туралы» Заңының 11-бабына сәйкес «Нысаналы сипаты бар қайырымдылық көмегін (қайырымдылық гранттарын) алған пайдаланушы қайырымдылыққа есеп беруге міндетті».

Жоғарыда көрсетілген қажетті құжаттарсыз өтініш қаралмайды!